Իրանի խորհրդարանը քվեարկել է ԱԷՄԳ-ի հետ համագործակցությունը կասեցնելու օգտին

Իրանի խորհրդարանի անդամները հաստատել են Իսլամական Հանրապետության և Ատոմային էներգիայի միջազգային գործակալության (ԱԷՄԳ) միջև համագործակցությունը ժամանակավորապես դադարեցնելու մասին օրինագիծը։ Այս մասին հայտարարել է Իրանի խորհրդարանի նախագահության ներկայացուցիչ Ալիրեզա Սալիմին։

«Իրանի Իսլամական Հանրապետության և ԱԷՄԳ-ի միջև համագործակցությունը դադարեցնելու մասին օրինագծի ընդհանուր ուրվագիծն ու մանրամասները հաստատվել են Մեջլիսի կողմից։ Խորհրդարանի որոշման համաձայն՝ գործակալության աշխատակիցները իրավունք չունեն մուտք գործել երկիր՝ ստուգումներ անցկացնելու համար, եթե երկրի միջուկային օբյեկտների և խաղաղ միջուկային գործունեության անվտանգությունը երաշխավորված չէ, և դա նույնպես պետք է հաստատվի Ազգային անվտանգության բարձրագույն խորհրդի կողմից», - ISNA-ին հայտնել է խորհրդարանի անդամը։