Մերձմոսկվայում ինքնաթիռ է կործանվել, կան զոհեր

Մոսկվայի մարզի Կոլոմնայի մոտակայքում վթարի է ենթարկվել Յակ-18Տ թեթև ինքնաթիռ:

Ինքնաթիռը վթարի է ենթարկվել Կոլոմնայից 8 կմ հարավ-արևմուտք գտնվող Պանովո գյուղի մոտակայքում։ Յակ-18Տ-ն հրդեհվել է։ Հրդեհը մարվել է 5 քառակուսի մետր տարածքի վրա։

«Նախնական տվյալներով՝ 4 մարդ զոհվել է, գետնի վրա վնասներ չկան»,- գրել են ԱԻՆ-ից։

Ինքնաթիռը թռիչք է կատարել Սևերկա օդանավակայանից, որը գտնվում է վթարի վայրից մոտ 15 կմ հեռավորության վրա։