«Իրանը տեղյակ չի եղել իր միջուկային օբյեկտների վրա սպասվող հարվածների մասին». Թրամփ

ԱՄՆ-ի նախագահ Դոնալդ Թրամփը հայտարարել է, որ Իրանը մինչև վերջին պահը տեղյակ չի եղել իր միջուկային օբյեկտների վրա սպասվող հարվածների մասին։

«Մենք նրանց առանձնապես չենք զգուշացրել, նրանք մինչև վերջին պահը չգիտեին, որ մենք գալիս ենք»,- ասել է նա Fox News-ին տված հարցազրույցում։ Նա նաև վերահաստատել է իր վստահությունը, որ Թեհրանը չէր կարող նախապես հեռացնել ուրանի պաշարները իր միջուկային օբյեկտներից։

Բացի այդ, ասել է Թրամփը, ոչ ոք չէր կարող պատկերացնել, որ ԱՄՆ-ն կհարձակվի Ֆորդոյի միջուկային օբյեկտի վրա, քանի որ «բոլորն ասում էին, որ այն անթափանցելի է»։