Կարեն Կարագուլյանը, Անդրանիկ Բերբերյանը, Էրիկ Իսրայելյանն այսուհետ կանդամակցեն Ամերիկյան կինոակադեմիային

Ամերիկյան կինոակադեմիայի՝ 2025-ի նոր անդամների ցանկում այսուհետ ներկայացված կլինեն նաև ծագումով հայ կինոգործիչներ:
Կարեն Կարագուլյանը, Անդրանիկ Բերբերյանը, Էրիկ Իսրայելյանը հրավիրվել են անդամակցելու Ամերիկյան կինոակադեմիայի այս տարվա նոր կազմին (Academy of Motion Picture Arts and Sciences): Ակադեմիան ընդգրկում է 534 արվեստագետի և մասնագետի, որոնք աչքի են ընկել կինոարվեստում ունեցած իրենց ձեռքբերումներով:

Կարեն Կարագուլյանը կանդամակցի դերասանների բաժնին, Անդրանիկ Բերբերյանը հրավիրվել է՝ անդամակցելու երաժշտական բաժնին, իսկ Էրիկ Իսրայելյանը՝ ասոցացված անդամների բաժնին:
Կինոարվեստի և գիտության ակադեմիան հիմնադրվել է Քալիֆորնիա նահանգում 1927 թվականի մայիսի 11-ին ՝ որպես հասարակական կազմակերպություն, որն զբաղվում է կինոարվեստի զարգացմամբ և տարածմամբ։
Ակադեմիան հայտնի է ամբողջ աշխարհին իր ամենամյա «Օսկար» մրցանակաբաշխությամբ։