Թրամփը փաստացի խոստովանել է, որ Իրանն ունի գաղտնի միջուկային օբյեկտ

ԱՄՆ-ի նախագահ Դոնալդ Թրամփը փաստացի խոստովանել է, որ Իրանն ունի գաղտնի միջուկային օբյեկտ։

Նա այդ մասին ասել է Fox News-ին տված հարցազրույցում։

«Մենք գիտեինք, որ [Իրանը] շատ [միջուկային օբյեկտներ] ունի, հավանաբար երեք հիմնական, գումարած՝ ևս մեկը», - ասել է նա։
Միևնույն ժամանակ, ամերիկացի առաջնորդը կասկած է հայտնել, որ Թեհրանին հաջողվել է հարստացված ուրանը հանել իր օբյեկտներից մինչև ԱՄՆ-ի հարվածները։ «Ոչ։ Նախևառաջ, դա շատ դժվար է։ Դա շատ վտանգավոր է։ ...Բացի այդ, ոչ ոք չէր մտածում, որ մենք կհարվածենք [Ֆորդոյի օբյեկտին], քանի որ բոլորն ասում էին, որ այն անթափանցելի է։ ...Կարծում եմ՝ օբյեկտում մարդիկ կային, ասում են՝ այնտեղ մեքենաներ կային։ Այս մարդիկ փորձում էին բետոնել մուտքը, որտեղ, ամենայն հավանականությամբ, տեղի կունենար հարվածը», - նշել է Թրամփը։