«Եթե ՀՀ-ն հրաժարվի իր դաշնակիցներից, դա դժվար թե նրան օգուտ բերի». Լավրով

Եթե ՀՀ ղեկավարությունը որոշի հեռանալ իր եվրասիական հարևաններից և դաշնակիցներից, դժվար թե դա օգուտ բերի Հայաստանի ժողովրդին։ Այս մասին լրագրողներին հայտնել է ՌԴ ԱԳ նախարար Սերգեյ Լավրովը՝ ՀԱՊԿ արտաքին գործերի նախարարների խորհրդի նիստից հետո։

«Մենք որևէ ճնշում չենք գործադրում Հայաստանի իշխող շրջանակների վրա, կսպասենք այս բոլոր հարցերի պարզաբանմանը, բայց բոլորս հասկանում ենք, որ եթե Հայաստանը հեռանա իր դաշնակիցներից, իր ամենամոտ գործընկերներից, իր հարևաններից, դա դժվար թե օգուտ բերի հայ ժողովրդին»,- ասել է նախարարը։