Մոսկվա-Երևան հետաձգված չվերթի ուղևորները վերադարձել են Երևան

Նախօրեին Մոսկվայից դեպի Երևան չվերթը 2.5 ժամ թռիչքից հետո վերադարձել էր Վնուկովո։ Այս մասին հայտնել էին ռուսական լրատվամիջոցները։

Հաղորդվում էր, որ Utair ավիաընկերության UT785 չվերթի ինքնաթիռը Մոսկվայից մեկնել էր մոտավորապես ժամը 21:00-ին։ Մոտ երկու ժամ թռիչքից հետո օդաչուն զգուշացրել է ուղևորներին, որ նրանք կվերադառնան Վնուկովո օդանավակայան «թռիչքային սահմանափակումների» պատճառով։

Քաղավիացիայից հայտնել են, որ չվերթն ավելի ուշ կատարվել է, ուղևորները Երևան են ժամանել առավոտյան ժամը 09:00-ին: