««Sputnik Ադրբեջանի» գործունեության համար այլևս պայմաններ չկան». Կիսիլյով

«Russia Today» մեդիա խմբի գործադիր տնօրեն Դմիտրի Կիսելյովը հայտարարել է, որ «Sputnik Ադրբեջանի» գործունեությունը շարունակելու համար այդ երկրում պայմաններ չկան: Այս մասին հայտնել է EADaily-ն։

«Խորապես մտահոգված ենք Բաքվում «Sputnik Ադրբեջանի»-ի ղեկավարների՝ ՌԴ երկու քաղաքացիների, կալանավորմամբ: Նրանց հետ ձերբակալվել են նաև խմբագրության մի քանի աշխատակիցներ՝ Ադրբեջանի քաղաքացիներ: Այս բոլոր գործողությունները որևէ հիմք չունեն:

Ցավով պետք է նշենք, որ այսօր «Sputnik Ադրբեջանի»-ի համար այդ երկրում իր գործունեությունը շարունակելու պայմաններ չկան:

Իր գործունեության բոլոր տարիների ընթացքում գործակալությունը հետամուտ էր մեր ժողովուրդների միջև բարեկամական հարաբերությունների զարգացմանը․ խմբագրական քաղաքականությունն ամբողջությամբ նվիրված էր Ադրբեջանի և Ռուսաստանի միջև համագործակցության զարգացմանը:

Մեր աշխատակիցներին անհիմն մեղադրանքներ են ներկայացվել, նրանք ձերբակալվել են անհեթեթ պատրվակով: Մեր կողմից կօգտագործենք բոլոր հասանելի միջոցները՝ մեր լրագրողների իրավական պաշտպանությունն ապահովելու համար», - ասել է Կիսելյովը:

Ավելի վաղ հաղորդվել էր Ադրբեջանում «Sputnik Ադրբեջանի»-ի աշխատակիցների ձերբակալության մասին։