Էրդողանը և Փեզեշքիանն Ադրբեջանում են

Իրանի նախագահ Մասուդ Փեզեշքիանը ժամանել է Ադրբեջան։ Այս մասին հայտնում են ադրբեջանական ԶԼՄ-ները։

Փեզեշքիանը կմասնակցի օկուպացված Ստեփանակերտում անցկացվող Տնտեսական համագործակցության և զարգացման կազմակերպության (ՏՀԶԿ) 17-րդ գագաթնաժողովին։

Նշվում է, որ Ադրբեջան է ժամանել նաև Թուրքիայի նախագահ Ռեջեփ Էրդողանը։

IRNA-ն հաղորդում է, որ այսօր ՏՀԶԿ գագաթնաժողովի շրջանակներում Ադրբեջան մեկնելուց առաջ Իրանի նախագահ Մասուդ Փեզեշքիանն ասել է. «Այցն իրականացվում է Իրանի, Թուրքիայի և Պակիստանի միջև եռակողմ հարաբերությունների շրջանակներում և համարվում է 10 երկրների միջև տարածաշրջանային համագործակցության առաջին քայլը»։