Ադրբեջանը հերքում է` ՌԴ-ի հետ մշակութային համագործակցության ցանկություն չունի

Ադրբեջանը չի ներկայացրել նախաձեռնություն՝ Ռուսաստանի հետ մշակութային ոլորտում երկկողմ համագործակցությունը խթանելու համար։ Այս մասին հայտարարել է Ադրբեջանի մշակույթի նախարարությունը։

Նախարարության տեղեկատվության համաձայն՝ վերջին օրերին որոշ տեղեկատվական ռեսուրսներում և սոցիալական հարթակներում տարածվել է կեղծ փաստաթուղթ՝ Ադրբեջանի մշակույթի նախարարության կողմից Ռուսաստանի հետ մշակույթի ոլորտում համագործակցությունը խթանելու ենթադրյալ նախաձեռնության մասին։

«Այս կեղծ փաստաթուղթը որևէ կապ չունի մշակույթի նախարարության հետ։ Նախարարությունը նման փաստաթուղթ չի պատրաստել կամ տարածել», - հայտարարել է նախարարությունը։