«Իսկապե՞ս դեռ այն համոզմանն եք, որ ԱԺ դահլիճում հնարավոր է իշխանափոխություն անել»․ Արսեն Բաբայան

Փաստաբան Արսեն Բաբայանի ֆեյսբուքյան գրառումը․ «Կադրերն էի նայում՝ ԱԺ-ում այսօրվա ծեծկռտուքի: Դե ՔՊ պատգամավորների մասով վաղուց ամեն բան պարզ է: Նրանցից շատերի տեսակի մարդկանց քիչ թե շատ նորմալ շրջանակներում անգամ մոտ չէինք թողնում ժամանակին: Դե ո՞նց մոտ թողնես այդ տեսակին: Ի՞նչ կարող էիր ունենալ այդ տեսակի հետ հարաբերվելու:
Բայց ես իսկապես արդեն վաղուց չեմ հասկանում ընդդիմադիր խմբակցությունների ընկերներիս. Ընկերներ, ախր ի՞նչ գործ ունեք այդ շրջապատում: Դուք իսկապե՞ս դեռ այն համոզմանն եք, որ ԱԺ դահլիճում հնարավոր է իշխանափոխություն անել:
Հիշեցի Արթուր Վանեցյանի կողմից պատգամավորությունից հրաժարվելուն նախորդող օրերը: Մեր կուսակցությունում նույնիսկ կես հակառակ կարծիք չկար այն մասին, որ ԱԺ-ում անելիքն ավարտված է։
Վայ Բաբկեն, վայ Ծիրունյան, վայ Վովա... Դուք ինձ հասկացաք: Հատկապես այս երեքդ, որ ժամանակին շփվել ենք:
Հ.Գ. Որևէ իշխանություն հավերժ չէ: Ձեր բռնապետությունը ծաղիկ է աշխարհում հայտնի բազմաթիվ շատ ավելի ծանր բռնապետությունների, որոնք վաղուց այլևս գոյություն չունեն իրականության մեջ»։