«Հրաժարվել եմ ցուցմունք տալուց, չեմ ընդունել մեղադրանքը»․ Արծվիկ Մինասյան

ՀՀ ԱԺ «Հայաստան» խմբակցության քարտուղար Արծվիկ Մինասյանին մեղադրանք է առաջադրվել պաշտոնեական դիրքի չարաշահման հատկանիշներով: Այս մասին հարցաքննությունից հետո քննչական կոմիտեի բակում լրագրողների հետ զրույցում հայտնեց Արծվիկ Մինասյանը։

«ԱԺ-ում ասել եմ, որ սա իրավական տեսակետից որևէ հիմքից զուրկ քաղաքական հետապնդման դասական օրինակ է։ Մինչև միջազգային դատարաններ գնալու ենք, և այս մարդիկ՝ դատախազի գլխավորությամբ, ներողություն են խնդրելու։

Հրաժարվել եմ ցուցմունք տալուց, չեմ ընդունել մեղադրանքը և հայտարարել եմ, որ սա քաղաքական հետապնդում է»,-նշեց Մինասյանը։

Նրա նկատմամբ որպես խափանման միջոց կիրառվել է բացակայելու արգելքը։