«Եկեղեցին չունի անվտանգության ծառայություն, չունի պահապանների կորպուս, միակ բանը, որ ունի, մենք ենք». Հովհաննես Իշխանյան

Հասարակական գործիչ, ռեժիսոր Հովհաննես Իշխանյանի ֆեյսբուքյան գրառումը. «Եկեղեցին չունի անվտանգության ծառայություն, չունի բանակ, չունի պահապանների կորպուս։
Միակ բանը, որ ունի մենք ենք, և մեզնից է կախված՝ արդյոք 21-րդ դարի ջարդարար, եղեռնամոլները կվերացնեն հաստատությունը, որը դարեդար մեր լեզուն բերել, հասցրել է էս կետին, թե ոչ։
Ովքեր ուզում են խոսել հայերեն, կկարողանան ջարդարարներին հետ շպրտել, ընդ որում դա կանեն նաև մյուս հայերեն գրող, խոսողների համար, որոնք այդպես էլ չեն հասկանում, թե ինչ է կատարվում կամ ձև են տալիս, որ չեն հասկանում կամ էլ փող են ստանում, որ ուրիշներին չթողնեն հասկանալ, և անում են եկեղեցու փայփայած հայոց լեզվով։
Եկեղեցու ունեցածը դու ես․ քեզնից է կախված այն կմնա, թե ոչ»։