Հութիներն առևանգել են Eternity C նավի անձնակազմի անդամներին. ԱՄՆ

«Անսար Ալլահ» շարժման հութի ապստամբներն առևանգել են Eternity C հունական բեռնատար նավի անձնակազմի անդամներին, որը խորտակվել էր Կարմիր ծովում՝ եմենցի ապստամբների հարձակման հետևանքով: Այս մասին ասվում է Եմենում ԱՄՆ դեսպանատան հայտարարության մեջ:
«Հութիներն առևանգել են Eternity C նավի անձնակազմի բազմաթիվ անդամների՝ մի քանի նավաստիների սպանելուց, նավը խորտակելուց և փրկարարական գործողություններին խոչընդոտելուց հետո: Մենք պահանջում ենք նրանց անհապաղ և անվերապահ ազատ արձակումը: Հութիները շարունակում են աշխարհին ցույց տալ, թե ինչու է Միացյալ Նահանգները նրանց համարել ահաբեկչական կազմակերպություն»,- հայտնել է ամերիկյան դիվանագիտական ​​առաքելությունը:

Բեռնատար նավի անձնակազմը բաղկացած էր 21 ֆիլիպինցիներից և ՌԴ 1 քաղաքացուց: