«ՌԴ-ն ողջունում է Հայաստանի և Ադրբեջանի միջև ուղիղ երկխոսությունը»․ Պեսկով

Ռուսաստանը ողջունում է Հայաստանի և Ադրբեջանի միջև այսօր Աբու Դաբիում տեղի ունեցող ուղիղ երկխոսությունը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։

«Մենք բազմիցս տարբեր մակարդակներում արտահայտվել ենք, որ կողջունենք խաղաղության պայմանագրի հնարավորինս շուտ ստորագրումը։ Հենց խաղաղության պայմանագրի ստորագրումն է դառնալու շատ կարևոր գործոն, որը կանխատեսելիություն, կայունություն և խաղաղություն կհաղորդի տարածաշրջանին։ Մենք լիովին աջակցում ենք այս գործընթացին», - ասել է Պեսկովը։