Ուրբաթ, 11 հուլիսի, 2025 թ.
|
Ստեփանակերտում`   +18 °C

Հունիսը դարձել է ուկրաինական պատերազմի ամենամահաբեր ամիսներից մեկը

Հունիսը դարձել է ուկրաինական պատերազմի ամենամահաբեր ամիսներից մեկը
160
Երեկ, 21:14

ՄԱԿ-ի մարդու իրավունքների մոնիթորինգի առաքելությունը հաշվել է, որ Ուկրաինայում հունիսին քաղաքացիական բնակչության շրջանում զոհերի թիվը հասել է 232-ի, իսկ 1343-ը վիրավորվել են։
Նշվում է, որ սրանք 2022 թվականի ապրիլից ի վեր ամենաբարձր ամսական ցուցանիշներն են, հաղորդում է BBC-ն։
ՄԱԿ-ի առաքելությունը պատերազմի ողջ ընթացքում մուտք չի ունեցել օկուպացված ուկրաինական տարածքներ, և այնտեղ զոհերի թիվը չի ներառվել նրա հաշվարկներում։
ՄԱԿ-ը չունի ամբողջական տվյալներ ուկրաինացի քաղաքացիական բնակչության շրջանում զոհերի ընդհանուր թվի վերաբերյալ։ ՄԱԿ-ի առաքելությունը պատերազմի ընթացքում գրանցել է ավելի քան 13500 քաղաքացիական անձի մահ այդ թվում՝ 716 երեխայի, և 34115 քաղաքացիական անձի վիրավորում, այդ թվում՝ 2173 երեխայի: Սակայն «քաղաքացիական բնակչությանը հասցված վնասի իրական մասշտաբներն, ամենայն հավանականությամբ, զգալիորեն ավելի բարձր են»։
ՄԱԿ-ի առաքելությունը քաղաքացիական բնակչության շրջանում զոհերի թվի աճը բացատրում է ռուսական անօդաչու թռչող սարքերի և հրթիռային հարձակումների աճող ինտենսիվությամբ։