Իսրայելը ոչնչացրել է «Հեզբոլլահի» «գլխավոր հրետանավորին»

Իսրայելական բանակը նոր հարված է հասցրել հարավային Լիբանանին, հաղորդում է բանակի մամուլի ծառայությունը։

Թիրախը «Հեզբոլլահի» ռազմական թևի հրետանու հրամանատար Մոհամմեդ Ջամալ Մուրադն է եղել։ Նա սպանվել է հարավային Լիբանանի Ալ-Մանսուրի քաղաքի մոտ։

Իսրայելական բանակը հայտարարել է, որ ոչնչացված հրամանատարը պատասխանատու է Իսրայելի վրա բազմաթիվ հրթիռային հարձակումների համար. «Մուրադի գործունեությունն սպառնալիք էր ներկայացնում Իսրայելի պետության համար և կոպիտ խախտում էր Իսրայելի և Լիբանանի միջև կնքված [հրադադարի] համաձայնագրերը»։