«Գումարելիների տեղափոխությունից գումարը չի փոխվում»․ Պեսկով

Ուկրաինային հետագա մատակարարումների համար ՆԱՏՕ-ին զենք վաճառելու վերաբերյալ ԱՄՆ-ի որոշումը Վաշինգթոնի համար «բիզնես» է։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

Կիևին աջակցելու առումով՝ «գումարելիների տեղափոխությունից գումարը չի փոխվում», - լրագրողներին ասել է Պեսկովը։

«Սա բիզնես է։ Երբ գումարելիների տեղերը փոխվում են, գումարը չի փոխվում։ Միևնույն է՝ Ուկրաինային զենքի մատակարարումը շարունակվում է», - նշել է Կրեմլի խոսնակը։

Ավելի վաղ նախագահ Թրամփը հայտնել էր, որ ԱՄՆ-ն կշարունակի զենք մատակարարել Ուկրաինային՝ ՆԱՏՕ-ի երկրների միջոցով, որոնք ԱՄՆ-ից կգնեն այն և կփոխանցեն Ուկրաինային։