«Իրանի հետ ցանկացած գործարք պետք է բխի Արևմուտքի անվտանգության շահերից». Մակրոն և Սթարմեր

Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը համատեղ հայտարարություն են տարածել, որում վերահաստատել են իրենց վճռականությունը՝ կանխելու Իրանի կողմից միջուկային զենքի ձեռքբերումը։

Փաստաթղթում ասվում է, որ իրանական միջուկային ծրագրի շուրջ բանակցությունները կշարունակվեն եվրոպական «եռյակի» (Ֆրանսիա, Գերմանիա, Մեծ Բրիտանիա) հետ համագործակցության շրջանակներում։

Բացի այդ, Փարիզն ու Լոնդոնը կոչ են անում Թեհրանին վերսկսել Ատոմային էներգիայի միջազգային գործակալության (ԱԷՄԳ) հետ լիարժեք համագործակցությունը։

Ցանկացած համաձայնագիր պետք է ծառայի Արևմուտքի անվտանգության շահերին, ասվում է հայտարարության մեջ։