««Ընդդիմադիր» կոչվող պատգամավորների մեծ մասը դատարկախոս են ու ծույլ»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Մեր բոլոր դժբախտություններին վերջ տալու մեկ ճանապարհ գոյություն ունի՝ Նիկոլ Փաշինյանին հեռացնել իշխանությունից։
Նիկոլ Փաշինյանին իշխանությունից հեռացնելու մեկ ճանապարհ գոյություն ունի՝ իմպիչմենտ։
Ազգային ժողովի պատգամավորները, այդ թվում նաև նրանք ովքեր հեղինակել են անվստահության գործընթաց, ոչ մի տեսանելի քայլ չեն իրականացնում այդ ուղղությամբ։
Դատարանների պատերի տակ կամ նախընտրելի տաղավարներում հարցազրույցներով Նիկոլ Փաշինյանին իշխանությունից հեռացնել հնարավոր չի։
Պետք է արձանագրենք, որ «ընդդիմադիր» կոչվող դաշտում գոյություն ունի լուրջ ճգնաժամ։ Ազգային ժողովի «ընդդիմադիր» կոչվող պատգամավորների մեծ մասը (մեկ-երկու բացառությամբ) չունեն պայքարի կարողություն, չունեն պայքարի վճռականություն, փոխարենը մեծամիտ են և գոռոզ, դատարկախոս ու ծույլ։
Իմպիչմենտը պետք է սկսել նրանցից, նրանց մանդատներից բխող լիազորությունները ժողովրդի կամքով կառավարելուց։
Նրանց հույսին որ մնանք, նրանց օրը կընկնենք»։