Նոր Կալեդոնիան և Ֆրանսիան համաձայնության են եկել. կստեղծվի Նոր Կալեդոնիա պետություն

Ֆրանսիան և նրա անդրծովյան Նոր Կալեդոնիա տարածաշրջանը հայտարարել են պատմական համաձայնագրի մասին. տարածքը կմնա Ֆրանսիայի կազմում, բայց կհռչակվի նոր պետական կազմավորում։

France 24-ի փոխանցմամբ՝ 10-օրյա բանակցություններից հետո կողմերը համաձայնության են եկել ստեղծել Նոր Կալեդոնիա պետությունը։ 13 էջանոց փաստաթղթում նշվում է, որ բնակիչներին կտրվի Ֆրանսիայի քաղաքացիությունը պահպանելու կամ այն Նոր Կալեդոնիայի քաղաքացու նոր կարգավիճակի հետ համատեղելու հնարավորություն։

Համաձայնագրի պայմանների համաձայն՝ Նոր Կալեդոնիան, որտեղ անցյալ տարի անջատողական շարժումների կողմից անկարգությունների ալիք էր բարձրացել, կմնա Ֆրանսիայի անդրծովյան տարածք, բայց կստանա նոր պետության կարգավիճակ։

Ֆրանսիայի նախագահ Էմանուել Մակրոնը նույնպես հաստատել է համաձայնագրի ստորագրումը։