Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Արդյո՞ք հավաքի ընթացքում խոսակցություն կլինի Երևանի մտադրության մասին»․ Հակոբ Բադալյան

«Արդյո՞ք հավաքի ընթացքում խոսակցություն կլինի Երևանի մտադրության մասին»․ Հակոբ Բադալյան
213
Կիրակի, 13 հուլիսի, 2025 թ., 13:24

Քաղաքական մեկնաբան Հակոբ Բադալյանի թելեգրամյան գրառումը․ «Չինաստանում կայանալու է Շանհայի գործակցության կազմակերպության արտգործնախարարների հավաքը: Հետաքրքիր է, արդյո՞ք հավաքի ընթացքում, թեկուզ ոչ պաշտոնական՝ հետնաբեմային մակարդակում կլինի խոսակցություն այն մտադրության մասին, որ օրեր առաջ արտահայտեց Երևանը՝ կազմակերպությանն անդամակցելու մասով:

Հիշեցնեմ, որ Հայաստանի ԱԳ նախարարը Պեկին այցից մի քանի օր անց հայտարարեց, որ Երևանը կայացրել է Շանհայի գործակցության կազմակերպության հայտ ներկայացնելու որոշում:

Բնականաբար, հայտը ներկայացված չէ, որ այն լինի պաշտոնական քննարկման առարկա, սակայն կարող է լինել ոչ պաշտոնական մտքերի փոխանակում այդ թեմայով:

Հիշեցնեմ, որ Շանհայի գործակցության կազմակերպությանն անդամակցում են Հնդկաստանը, Ռուսաստանը, Չինաստանը, Տաջիկստանը, Կիրգիզիան, Ղազախստանը, Ուզբեկստանը, Պակիստանը: Հայաստանը մինչ այժմ եղել է երկխոսության գործընկերոջ կարգավիճակով, ինչպես Ադրբեջանը: 2024 թվականի գագաթնաժողովից հետո Ադրբեջանը հայտարարեց, որ մտադիր է ներկայացնել դիտորդ լինելու հայտ: Այդպիսի մտադրություն ուներ նաև Հայաստանը, բայց փաստացի Միրզոյանի Պեկին այցից հետո Երևանը հայտարարեց անդամակցության հայտնի որոշման մասին»։

Աղբյուրը`   Հակոբ Բադալյան