Թբիլիսիում հինգհարկանի շենք է փլուզվել

Երկուշաբթի օրը Թբիլիսիի երկաթուղային կայարանի մոտ փլուզվել է հինգհարկանի բնակելի շենք։

Ներկայում ընթանում են փրկարարական աշխատանքներ և բնակիչների տարհանում։

Վրաստանի մայրաքաղաքի քաղաքապետ Կախա Կալաձեն լրագրողներին հայտնել է, որ փլուզման հետևանքով մեկ մարդ մահացել է, իսկ մեկը՝ տեղափոխվել հիվանդանոց։

«Այս շենքը խարխուլ վիճակում էր, և քաղաքապետարանը բազմիցս դիմել է բնակիչներին՝ առաջարկելով նրանց բնակարաններ տրամադրել այլ վայրում։ Սակայն որոշ բնակիչներ հրաժարվել են այս առաջարկից»,- ասել է Կալաձեն։

Հունիսի սկզբին Թբիլիսիի Նաձալադևի շրջանում փլուզվել էր ևս մեկ եռահարկ բնակելի շենք. զոհեր և վիրավորներ չեն եղել։