Դպրոցի տնօրենը հափշտակել է շուրջ 8 մլն դրամ
![]() 545 Երեքշաբթի, 15 հուլիսի, 2025 թ., 13:00 Վայոց ձորի մարզպետի կողմից ստացված հաղորդման հիման վրա ՀՀ հակակոռուպցիոն կոմիտեում նախաձեռնված քրեական վարույթով իրականացված նախաքննությամբ բացահայտվել է «ՀՀ Վայոց ձորի մարզի Վարդահովիտի հիմնական դպրոց» ՊՈԱԿ-ի տնօրենի կողմից առանձնապես խոշոր չափերի՝ շուրջ 8 մլն ՀՀ դրամի հափշտակություն կատարելու դեպք: Մասնավորապես՝ պարզվել է, որ «ՀՀ Վայոց ձորի մարզի Վարդահովիտի հիմնական դպրոց» ՊՈԱԿ-ի տնօրենը, իր իշխանական լիազորությունները և դրանցով պայմանավորված ազդեցությունն օգտագործելով, 2021-ից մինչև 2023 թվականների ընթացքում, դպրոցի հաշվապահին պարբերաբար հանձնարարել է իր և նույն դպրոցում աշխատող մոր անվամբ ՊՈԱԿ-ի ֆինանսական միջոցներից հաշվեգրել ավել գումարներ։ Արդյունքում՝ դպրոցի տնօրենի կողմից հափշտակվել է նշված ժամանակահատվածում իր և մոր անվամբ ավել հաշվարկված և վճարված առանձնապես խոշոր չափերի՝ ընհանուր շուրջ 8 մլն ՀՀ դրամ գումարը: Առանձնապես խոշոր չափերի հափշտակության համար դպրոցի տնօրենին մեղադրանք է ներկայացվել ՀՀ քրեական օրենսգրքի 256-րդ հոդվածի 3-րդ մասի 3-րդ կետով, իսկ նրան օժանդակելու համար դպրոցի հաշվապահին մեղադրանք է ներկայացվել ՀՀ քրեական օրենսգրքի 46-256-րդ հոդվածի 3-րդ մասի 3-րդ կետով: Երկուսն էլ ընդունել են իրենց ներկայացված մեղադրանքները և զղջացել կատարած արարքների համար: Քրեական վարույթով նախաքննությունն ավարտվել է, և վարույթի նյութերն ուղարկվել են ՀՀ հակակոռուպցիոն դատարան: Աղբյուրը` ՀՀ հակակոռուպցիոն կոմիտե |
«Լիահույս եմ, որ շուտով Ուկրաինայում խաղաղություն կտիրի»․ Նիկոլ Փաշինյան
320Երեկ, 14:48Դիլիջանի թունելը ժամանակավորապես կփակվի երթևեկության համար
25321.08.2025, 10:48Սիրիան 13 տարի անց վերաբացել է դեսպանատունը Լիբիայում
70820.08.2025, 23:54Մհեր Գրիգորյանը շնորհակալություն է հայտնել ՌԴ փոխվարչապետին
53120.08.2025, 19:20Հակակոռուպցիոն դատարանն է քննելու դատախազության հայցը՝ ընդդեմ Սամվել Մայրապետյանի
35420.08.2025, 11:30Իրանի նախագահը Հայաստանից ուղևորվեց Բելառուս
29319.08.2025, 22:42Կաշառք ստանալու մեջ մեղադրվող քոլեջի տնօրենի պաշտոնավարումը կասեցվել է
31018.08.2025, 15:24Նիկոլ Փաշինյանը հանդես կգա ուղերձով
34918.08.2025, 12:30