Չորեքշաբթի, 14 հունվարի, 2026 թ.
|
Ստեփանակերտում`   -2 °C

Իսրայելը հարվածել է Լիբանանում «Հեզբոլլահ»-ի ռազմական ճամբարներին

Իսրայելը հարվածել է Լիբանանում «Հեզբոլլահ»-ի ռազմական ճամբարներին
735
Երեքշաբթի, 15 հուլիսի, 2025 թ., 13:09

Իսրայելի ռազմաօդային ուժերի կործանիչները զանգվածային հարվածներ են հասցրել Լիբանանի արևելքում գտնվող «Հեզբոլլահ»-ի ենթադրյալ ստորգետնյա ապաստարաններին և պահեստներին, հաղորդում է «Al Jadeed» հեռուստաալիքը։

Զոհերի կամ վիրավորների մասին տեղեկություններ դեռևս չկան։

Հեռուստաալիքի տվյալներով՝ իսրայելական կործանիչները մնում են Լիբանանի օդային տարածքում և ցածր բարձրության վրա թռչում են Բեքաա հովտի և Սիրիայի հետ սահմանի լեռնային տեղանքի վրայով։

Իսրայելական բանակի մամուլի ծառայությունն իր հայտարարության մեջ նշել է, որ հարվածներն ուղղված են եղել «Հեզբոլլահ»-ի զինված թևի՝ «Ռադվան» հատուկ նշանակության ուժերի ռազմական ճամբարներին։

«Իսրայելի ռազմաօդային ուժերի կողմից Լիբանանի արևելքում գտնվող Բեքաա հովտում գտնվող ռազմական ճամբարներին հասցված հարվածները «հստակ ազդանշան» են «Հեզբոլլահ» շարժման համար՝ այս շիական կազմակերպության «Ռադվան» հատուկ նշանակության ուժերը հզորացնելու միջոցով իր մարտական ներուժը վերականգնելու անթույլատրելիության մասին», - այս մասին հայտարարել է Իսրայելի պաշտպանության նախարար Իսրայել Կացը։