«Նրանք արդեն պետք է համաձայնության գային, իսկ հետո մենք նրանց ռմբակոծեցինք». Թրամփը` Իրանի հետ բանակցությունների մասին

ԱՄՆ-ի նախագահ Դոնալդ Թրամփը հայտարարել է, որ Իրանը հետաքրքրված է միջուկային բանակցությունների վերսկսմամբ և ընդգծել է Վաշինգթոնի կողմից երկխոսության պատրաստակամությունը։

«Նրանք ուզում են բանակցել, նրանք շատ են ուզում բանակցել»,- ասել է Թրամփը՝ պատասխանելով լրագրողի հարցին։

«Մենք չենք շտապում, քանի որ ասել ենք, որ հնարավոր էր համաձայնության գալ։ Նրանք արդեն պետք է համաձայնության գային, իսկ հետո մենք նրանց մի քանի վայրերում ռմբակոծեցինք»,- շարունակել է ամերիկացի առաջնորդը։

«Մենք չենք շտապում։ Բայց եթե նրանք ուզում են բանակցել, մենք պատրաստ ենք դրան»,- ընդգծել է Սպիտակ տան ղեկավարը։