«Հիշողության սլաքներ». 60 ժամացույց, որ կրել են Հայ մեծերը

Գրականության և արվեստի թանգարանում բացված «Հիշողության սլաքներ» ժամանակավոր ցուցադրության շրջանակում կարելի է տեսնել մի շարք հայ մեծերի՝ գրականության, երաժշտության, թատրոնի և կինոյի երևելիների ժամացույցները, որոնցից յուրաքանչյուրի սլաքները կանգ են առել հիշողության մի ակնթարթում։
Ցուցադրությանը ներկայացված են շուրջ 60 ժամացույց, որոնք պատկանել են այնպիսի երևելիների, ինչպիսիք են Հովհաննես Թումանյանը, Ավետիք Իսահակյանը, Ակսել Բակունցը, Վահրամ Փափազյանը, Մարտիրոս Սարյանը, Արամ Խաչատրյանը, Սիլվա Կապուտիկյանը և այլն: Ցուցադրվողներից միակ ժամացույցը, որը շարունակում է աշխատել մինչ օրս, պատկանել է Բարսեղ Կանաչյանին:
Ցուցադրության ընթացքում կարելի է ապակյա ցուցափեղկի օգնությամբ կրել Սիլվա Կապուտիկյանի ոսկյա ժամացույցը, տեսնել Հովհաննես Թումանյանի և Դերենիկ Դեմիրճյանի հայրական տների պատի մեծ ժամացույցները, Միքայել Նալբանդյանի երկու ժամացույցները, որոնք բերվել են Հնդակաստանից, ինչպես նաև Լևոն Շանթի գրպանի ժամացույցը, որը մշտապես կախված է եղել բաճկոնից: