«Իմ պարտքն եմ համարում վարչապետի հետ գնալ մինչև վերջ»․ դպրոցի տնօրեն

Հակոբ Կոջոյանի անվան դպրոցի տնօրեն Ռուզաննա Երեմյանը տեսաուղերձով հաստատել է, այո՛, վարչապետի կողքին է, պատրաստ «Վեհարանն ազատել Կտրիճ Ներսիսյանից»։
Երեմյանն իր էջում արձագանքել էր Նիկոլ Փաշինյանի հետևյալ գրառմանը․ «Կտրիճ Ներսիսյանը մեզ՝ Հայաստանյայց Առաքելական Սուրբ Եկեղեցու հավատավոր հետեւորդներիս հրավիրում է իրենից ազատել Վեհարանը։
Մենք դա կանենք միասին։ Պատրա՛ստ եղեք»։
Երեմյանը գրել էր՝ պատրաստ ենք, ինչից հետո մի շարք քննարդատական մեկնաբանություններ է ստացել։
«Այո, ես մանկավարժ եմ և ուզում եմ, որ իմ սաները տեսնեն, որ ՀԱԵ-ն ղեկավարում է բարոյական բարձր արժեքներ ունեցող անձը։ Եվ ես որպես ուսուցիչ իմ պարտքն եմ համարում գնալ վարչապետի հետ մինչև վերջ»,- ասում է Երեմյանը։