«Սպանության փորձ՝ Շիրակի քրեական ոստիկանության անգործության հետևանքով». Գոռ Գևորգյան

Փաստաբան Գոռ Գևորգյանն ահազանգում է Շիրակի մարզում տեղի ունեցած սպանության փորձի մասին՝ կից հրապարակելով տեսանյութ։

«Սպանության փորձ՝ Շիրակի քրեական ոստիկանության անգործության հետևանքով»,- գրել է նա։

Տեսանյութում երևում է, որ ոստիկանության համազգեստով քաղաքացին չի կարողանում կանխել լարված իրավիճակը։

Ավելի վաղ փաստաբանը «Արմլուր»-ին հայտնել է, որ հուլիսի 16-ին Շիրակի մարզում 772 ոչխար են գողացել՝ 60 միլիոն դրամի, հայտնի են և՛ գողերը, և՛ տուժածները։ Նրանք ազգությամբ եզդի են։

Փաշտաբանը նաև ընդգծել է, որ իրավապահ մարմինների անգործության հետևանքով ժամ առ ժամ հասունացող վենդետայի վտանգ կա։ Գոռ Գևորգյանը նաև ընդգծել է, որ հանցագործության մասին թեև հաղորդում ներկայացվել է, սակայն իրապահները ոչինչ չեն ձեռնարկում։