ԱՄՆ-ն դուրս կգա ՅՈՒՆԵՍԿՕ-ից

632

Երեքշաբթի, 22 հուլիսի, 2025 թ., 15:13

ԱՄՆ նախագահ Դոնալդ Թրամփը որոշել է, որ ԱՄՆ-ն դուրս կգա ՅՈՒՆԵՍԿՕ-ից, քանի որ կազմակերպությունն աջակցում է այնպիսի նախաձեռնությունների, որոնք չեն համապատասխանում ամերիկյան շահերին, հայտարարել է Սպիտակ տան մամուլի քարտուղարի տեղակալ Աննա Քելլին։

«Նախագահ Թրամփի որոշմամբ՝ Միացյալ Նահանգները դուրս կգա ՅՈՒՆԵՍԿՕ-ից։ Այդ կառույցն աջակցում է մշակութային և սոցիալական պառակտող գաղափարներին, որոնք լիովին հակասում են առողջ բանականության քաղաքականությանը, որի համար ամերիկացիները քվեարկել են նոյեմբերին»,- ասել է Քելլին New York Post-ին։