«Թրամփն Ուկրաինային դրդում է բանակցել Ռուսաստանի հետ». Հաքան Ֆիդան

Եթե Սիրիայում զինված խմբավորումները գնան պառակտման և անկայունացման ճանապարհով, Անկարան դա կհամարի իր ազգային անվտանգությանն ուղղված ուղղակի սպառնալիք և համապատասխանաբար կարձագանքի։

Այս մասին հայտարարել է Թուրքիայի արտաքին գործերի նախարար Հաքան Ֆիդանն Անկարայում իր սալվադորցի գործընկեր Ալեքսանդրա Հիլի հետ համատեղ մամուլի ասուլիսում։
Նրա խոսքով՝ Անկարան պատրաստ է երկխոսության և լսելու վերոնշյալ ուժերի պահանջները, եթե նրանք չնպաստեն Սիրիայի փլուզմանը։ «Ոչ մի խումբ չպետք է նպաստի փլուզմանը։ Մենք ունենք քննարկելու բան դիվանագիտության միջոցով։ Ամեն ինչ կարելի է քննարկել, և այդ քննարկումները կարող են անցկացվել բոլոր խմբերի և տարրերի հետ։ Բայց եթե դուք խախտեք այս շրջանակը և անցնեք պառակտման և անկայունացման բռնության միջոցով, մենք սա կընկալենք՝ որպես մեր ազգային անվտանգությանն ուղղված ուղղակի սպառնալիք և կմիջամտենք։ Դուք կարող եք ներկայացնել ցանկացած պահանջ և խոսել ամեն ինչի մասին, միայն թե ոչ փլուզման մասին։ Մենք կօգնենք ձեզ այնքան, որքան կարող ենք, բայց եթե դուք անցնեք սահմաններից այն կողմ, մենք մտադիր չենք մեզ վտանգելու»,- ասել է նա։

Մեկնաբանելով Սիրիայի հարավում տեղի ունեցած վերջին իրադարձությունները՝ դիվանագետը նշել է, որ «Իսրայելը ձգտում է մասնատել Սիրիան, քանի որ չի ցանկանում իր հարևանությամբ տեսնել կայուն երկիր»։ Նրա խոսքով՝ Իսրայելը «վարում է քաղաքականություն, որն ուղղված է սեփական տարածաշրջանի թուլացմանը և դրանում քաոսի վիճակի պահպանմանը»։

Ֆիդանը նշել է, որ Թուրքիան այն երկրներից է, որոնք ամենամեծ վնասն են կրել անվտանգության առումով՝ տարածաշրջանային խնդիրների և ահաբեկչության պատճառով։ «Այնուամենայնիվ, չնայած դրան, մենք ձգտում ենք կայունությունն ու բարգավաճումը (տարածաշրջանում) առաջնահերթ համարել որպես ավելի նշանակալի ռազմավարական տեսլական՝ շարունակելով մեր ջանքերն այս ուղղությամբ։ Իրաքի, Սիրիայի և Իրանի հետ մեր հարաբերությունների բոլոր ասպեկտները զարգանում են այս ուղղությամբ։ Ի հակադրություն, Իսրայելը վարում է քաղաքականություն, որն ուղղված է սեփական տարածաշրջանի թուլացմանը և դրանում քաոսի վիճակի պահպանմանը։ Սիրիայում վերջին իրադարձությունները դարձել են դրա արտացոլումը», - ասել է նա։