Հյուսիսային Օսիայում հանրահավաքներ կազմակերպելու լիակատար արգելք է դրվել 

Հյուսիսային Օսիայի իշխանությունները հայտարարել են զանգվածային միջոցառումների լիակատար արգելքի մասին, հաղորդում է «Ինտերֆաքս»-ը։

Տարածաշրջանային օպերատիվ շտաբը հայտնել է, թե տեղեկատվություն է ստացել «Ռուսաստանի զինված ուժերի զինծառայողների և նրանց հարազատների կյանքի դեմ մահափորձի սպառնալիքի մասին»։ Տարածաշրջանային կառավարությունը հայտարարել է, որ հանրահավաքների արգելքը կապված է «Վլադիկավկազում ուկրաինական հատուկ ծառայությունների կողմից նախաձեռնված չարտոնված գործողության ընթացքում ստացված տեղեկատվության հետ»։

Հանրահավաքների արգելքից բացի, իշխանությունները արգելել են ռազմական օբյեկտների, կարևորագույն ենթակառուցվածքների և անօդաչու թռչող սարքերի անկման վայրերի լուսանկարահանումն ու տեսանկարահանումը։

Կառավարությունը չի նշել, թե երբ կհանվի հանրահավաքների արգելքը։