Երեքշաբթի, 29 սեպտեմբերի, 2026 թ.
|
Ստեփանակերտում`   +12 °C

Սիրիան պաշտոնապես օգնություն է խնդրել Թուրքիայից

Սիրիան պաշտոնապես օգնություն է խնդրել Թուրքիայից
499
Չորեքշաբթի, 23 հուլիսի, 2025 թ., 20:32

Թուրքիայի պաշտպանության նախարարության աղբյուրների համաձայն՝ Սիրիայի կառավարությունն օգնության խնդրանքով պաշտոնապես դիմել է Թուրքիային։
Օգնությունը մասնավորապես վերաբերում է ռազմական կարողունակությունների մեծացմանն ու ահաբեկչական կազմակերպությունների դեմ պայքարին:

«Համաձայն այդ խնդրանքի՝ մենք շարունակում ենք աշխատանքները՝ ապահովելու կրթական, խորհրդատվական և տեխնիկական աջակցություն Սիրիայի ռազմապաշտպանական կարողունակությունները բարձրացնելու նպատակով»,- հայտնել են Թուրքիայի ՊՆ-ի աղբյուրները, գրում է «Էրմենիհաբեր»-ը:

Հիշեցնենք, որ հուլիսի 13-ից Իսրայելի սահմանին մոտ Սիրիայի Սուվեյդա քաղաքում բախումներ էին սկսվել դրուզների և բեդվինների միջև: Բախումներին ավելի ուշ միջամտել էր Իսրայելը՝ հուլիսի 16-ին օդային հարվածներ հասցնելով Դամասկոսին: Թիրախավորվել էին Սիրիայի պաշտպանության նախարարության շենքն ու նախագահական նստավայրը:

Իսրայելական կողմը բախումների միջամտությունը որակում է որպես դրուզ փոքրամասնությանը պաշտպանելու նախաձեռնություն: