«Որոշումը չկատարելու հնարավորություն կա»․ Սրբուհի Գալյան

«Միջազգային արբիտրաժները վեճերի լուծման այլընտրանքային մեխանիզմներ են։ Երբ միացել ենք որոշակի կոնվենցիաների, պարտավորվել ենք կատարել միջազգային արբիտրաժների տրիբունալների որոշումները»,- լրագրողների հետ ճեպազրույցի ժամանակ, անդրադառնալով միջազգային արբիտրաժի՝ ՀԷՑ-ի վերաբերյալ որոշմանը, ասաց Արդարադատության նախարար Սրբուհի Գալյանը։ Նրա խոսքով այդ վեճի առումով գործում է երկկողմ ներդրումային պայմանագիրը, որի հետ կապված վեճերի պարագայում արբիտրաժային տրիբունալի որոշումների ճանաչման կոնկրետ ընթացակարգ է գործում․ «Արբիտրի որոշման մեջ հղում է կատարված Նյու Յորքի համապատասխան կոնվենցիային, ըստ որի կողմը իրավունք ունի դիմելու ՀՀ ներպետական դատարանին, որպեսզի դատարանը ճանաչի արբիտրի որոշումը, հետո նոր դա դառնա պարտադիր կատարման ենթակա։ Ներպետական օրենսդրությամբ և միջազգային կոնվենցիայով կա հնարավորություն այդ որոշումը չկատարելու, եթե դա հակասում է հանրային կարգին»,- ասաց Գալյանը՝ նշելով, որ ժամանակավոր կառավարչի մուտքը ՀԷՑ այլ նպատակ է հետապնդում, քան այն, ինչ նկարագրված է մյուս կողմի դիմումում, նպատակը հնարավոր ճգնաժամիցխուսափելն է եղել»,- ասաց Գալյանը։