Էստոնիան Լուկաշենկոյի և մի շարք բելառուսցիների համար մուտքի անժամկետ արգելք է սահմանել

Էստոնիան անորոշ ժամկետով արգելել է 273 բելառուս քաղաքացիների, այդ թվում՝ նախագահ Ալեքսանդր Լուկաշենկոյի մուտքը երկիր։

Այս մասին հայտնել է TASS-ը՝ հղում անելով ERR պետական հեռուստատեսությանը։

Այս նախաձեռնությունն Էստոնիայի նախարարների կաբինետին է ներկայացրել արտաքին գործերի նախարար Մարգուս Ցախնան։

Լուկաշենկոյից բացի, պատժամիջոցների ցանկում են ներառված բելառուս բարձրաստիճան պաշտոնյաներ, դատավորներ և անվտանգության աշխատակիցներ։