Հնդկաստանում դպրոցի փլուզման հետևանքով առնվազն 4 երեխա է զոհվել

873

Ուրբաթ, 25 հուլիսի, 2025 թ., 11:21

Հնդկաստանի Ռաջաստան նահանգում դպրոցի տանիքը փլուզվել է։ Միջադեպի հետևանքով զոհվել է չորս երեխա, ևս 17-ը վիրավորվել են։ Lրատվամիջոցները հայտնում են, որ փրկարարական աշխատանքները շարունակվում են, և որ փլատակների տակ կարող են լինել տասնյակ մարդիկ։
«Առնվազն չորս աշակերտ զոհվել է, մի քանիսը վիրավորվել՝ ուրբաթ Ռաջաստանում տարրական դպրոցի տանիքի փլուզման հետևանքով», - գրում է Reuters-ը։

Ռաջաստանի կրթության նախարար Մադան Դիլավարի խոսքով՝ միջադեպի պահին դասարանում եղել է մոտ 25-30 աշակերտ։
Տեղական իշխանությունները պնդում են, որ դպրոցի շենքը հին է եղել, և փլուզումը կարող էր պայմանավորված լինել վերջին օրերին տարածաշրջանում տեղացած ուժեղ անձրևներով։