Իրանում դատարանի վրա հարձակման հետևանքով 5 մարդ զոհվել է, 13-ը՝ վիրավորվել

Ինչպես հայտնել ենք այսօր զինված հարձակում է տեղի ունեցել Իրանի Սիստան և Բելուջիստան նահանգի Զահեդան քաղաքում գտնվող դատարանի շենքի վրա: Պաշտոնական տվյալներով՝ հարձակման հետևանքով զոհվել է առնվազն 5 մարդ, ևս 13-ը վիրավորվել են:

Հարձակման պատասխանատվությունը ստանձնել է սուննիական զինված «Ջայշ ալ-Ադլ» խմբավորումը: Իրանի անվտանգության ուժերը հայտնել են երեք զինված հարձակվողների չեզոքացման մասին։