Կամբոջան և Թայլանդը շարունակում են փոխադարձ հարվածներ հասցնել

Թայլանդի ռազմաօդային ուժերը (RAF) 1 օրվա ընթացքում 2 անգամ ավիահարվածներ են հասցրել սահմանային շրջաններում գտնվող կամբոջական դիրքերին։

Ըստ The Nation թերթի՝ F-16 և JAS 39 Gripen կործանիչները հարձակվել են Սուրին նահանգի Տա Կվայ տաճարային համալիրի մոտ գտնվող դիրքերի վրա։

Ավելի վաղ՝ նույն օրը, Թայլանդի ռազմաօդային ուժերը մի շարք հարվածներ են հասցրել կամբոջական հրետանային ստորաբաժանումներին Ֆու Մակուա և Տա Մուեն Թոմ տաճարային համալիրների մոտ։ Մարտական առաջադրանքներն ավարտելուց հետո բոլոր կործանիչներն անվտանգ վերադարձել են իրենց բազաներ։

Բացի այդ, Թայլանդը սահմանին լրացուցիչ զրահատեխնիկա է տեղակայել. Պոյպետ սահմանային անցակետ են ժամանել M60A1 և M60A3 տանկեր, իսկ տանկերի աջակցություն են ցուցաբերում Type 86 զրահափոխադրիչները։