Թուրքայում կառուցվող ԱԷԿ-ի շրջակայքում անտառային հրդեհներ են

Թուրքիայում՝ Աքքույու ԱԷԿ-ի կառուցման տարածքում, անտառային հրդեհներ են բռնկվել։ Հրդեհները մարելու համար օգտագործվում են ռուսական Be-200 ինքնաթիռներ և Mi-8 ուղղաթիռներ, հաղորդում են տեղական լրատվամիջոցները։

Կառույցում աշխատում է ավելի քան 10000 ռուս, բոլորն էլ ներգրավված են կայանի շինարարության մեջ։ Հրդեհները բռնկվել են երաշտի պատճառով, զոհերի մասին տեղեկություններ չկան։

Ավելի վաղ թուրքական իշխանությունները հայտնել էին անտառային հրդեհների մասին երկրի հյուսիս-արևմուտքում գտնվող հինգ նահանգներում՝ Էսքիշեհիրում, Բալիքեսիրում, Իզմիրում, Աֆյոնքարահիսարում և Մանիսայում։ Գյուղատնտեսության և անտառտնտեսության նախարար Իբրահիմ Յումաքլիի խոսքով՝ այդ հրդեհների հետևանքով զոհվել է տասը մարդ։