«Ավստրիայի՝ ՆԱՏՕ-ին միանալու մասին քննարկումները կարող են արդյունավետ լինել». ԱԳ նախարար

Ավստրիայի ԱԳ նախարար Բեատե Մայնլ-Ռեյզինգերը Die Welt-ին տված հարցազրույցում հայտնել է, որ պատրաստ է քննարկել Վիեննայի կողմից չեզոքությունից հնարավոր հրաժարման հարցը, չնայած նրան, որ ՆԱՏՕ-ին միանալու գաղափարը երկրում մեծ աջակցություն չի վայելում։

«Մեկ բան պարզ է. միայն չեզոքությունը մեզ չի պաշտպանի», - ասել է Մայնլ-Ռեյզինգերը՝ նշելով, որ Ավստրիան նաև կենտրոնանում է պաշտպանության մեջ ներդրումներ կատարելու և գործընկերների հետ հարաբերությունները ամրապնդելու վրա՝ «գլոբալ անվտանգության ոլորտում ավելի ու ավելի անորոշ իրավիճակի և ավելի ագրեսիվ Ռուսաստանի» համատեքստում։

Նախարարի խոսքով՝ ներկայումս Ավստրիայի խորհրդարանում կամ բնակչության շրջանում չկա մեծամասնություն, որը կաջակցի Հյուսիսատլանտյան դաշինքին միանալուն, բայց «նման քննարկումը կարող է շատ արդյունավետ լինել»։

«Աշխարհը փոխվել է և միամտություն կլինի կարծել, որ «եթե մենք ոչ մեկին չդիպչենք, ապա ոչ ոք մեզ չի դիպչի»։