«Թեհրանը վատ ազդակներ է ուղարկում». Թրամփ

ԱՄՆ-ի նախագահ Դոնալդ Թրամփը զգուշացրել է, որ եթե Թեհրանը վերսկսի իր միջուկային ծրագիրը, Վաշինգթոնը կրկին «կոչնչացնի» այն։

Ամերիկացի առաջնորդն այս մասին ասել է Շոտլանդիայում Մեծ Բրիտանիայի վարչապետ Քեյր Սթարմերի հետ համատեղ մամուլի ասուլիսում։

Թրամփն ասել է, որ Իրանը «վատ ազդակներ» է ուղարկում, և նրա միջուկային ծրագիրը վերսկսելու ցանկացած փորձ անմիջապես կկանգնեցվի։

«Մենք ոչնչացրել ենք նրանց միջուկային հնարավորությունները։ Նրանք կարող են սկսել նորից։ Եթե նրանք դա անեն, մենք այն կոչնչացնենք ավելի արագ, քան դուք կարող եք մատ թափ տալ նրանց վրա»,- ասել է Դոնալդ Թրամփը։