«Իրանը միջամտում է Իսրայել-ՀԱՄԱՍ բանակցություններին»․ Թրամփ

ԱՄՆ նախագահ Դոնալդ Թրամփը հայտարարել է, որ Իրանը միջամտում է Իսրայելի և ՀԱՄԱՍ-ի միջև բանակցություններին՝ ազդելով պաղեստինյան դիրքորոշման վրա։

Նրա խոսքով՝ Իրանը, հնարավոր է, հրահանգներ է տվել ՀԱՄԱՍ-ին, որը խաթարում է խաղաղության գործընթացը։ «Կարծում եմ՝ նրանք միջամտել են այս բանակցություններին՝ ազդանշաններ և հրամաններ տալով ՀԱՄԱՍ-ին, և դա լավ չէ»,- նշել է ԱՄՆ նախագահը։