Կառուցապատող ընկերության տնօրենը հափշտակել է առանձնապես խոշոր չափերով գույք
![]() 523 Երեքշաբթի, 29 հուլիսի, 2025 թ., 10:48 ՀՀ քննչական կոմիտեի հատկապես կարևոր գործերի քննության գլխավոր վարչության ընդհանուր բնույթի և ընտրական հանցագործությունների քննության վարչությունում ավարտվել է կառուցապատող ընկերության տնօրեն Ա.Կ-ի կողմից առանձնապես խոշոր չափերով հափշտակություն կատարելու դեպքի վերաբերյալ նախաձեռնված քրեական վարույթի նախաքննությունը: Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ անշարժ գույքի գնահատող ընկերության տնօրեն Հ.Ա-ն Երևան քաղաքի Աբովյան-Նալբանդյան-Արամի փողոցների հարող հատվածում գերակա հանրային շահ ճանաչված տարածքներ ձեռքբերող ընկերության տնօրեն Ա.Կ-ին է տրամադրել գնահատման ենթակա անշարժ գույքերի վերաբերյալ իրական շուկայական արժեքից մի քանի անգամ ցածր կեղծ գնահատման հաշվետվություն։ Արդյունքում, հաշվետվության հիման վրա Ա.Կ-ն խարդախությամբ հափշտակել է Վ.Գ-ին և Ս.Յ-ին պատկանող առանձնապես խոշոր չափերով՝ 370 մլն 700 հզր ՀՀ դրամ արժողության անշարժ գույքը՝ դրա դիմաց վճարելով ընդամենը գնահատման հաշվետվությամբ սահմանված 74 մլն 906 հզր ՀՀ դրամ։ Ա.Կ-ի նկատմամբ հարուցվել է հանրային քրեական հետապնդում՝ Քրեական օրենսգրքի 255-րդ հոդվածի 3-րդ մասի 3-րդ կետով (առանձնապես խոշոր չափերով կատարված խարդախությունը) և 457-րդ հոդվածի 1-ին մասով (փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը) և Հ.Ա-ի նկատմամբ՝ 46-255-րդ հոդվածի 3-րդ մասի 3-րդ կետով (առանձնապես խոշոր չափերով կատարված խարդախությանն օժանդակելը) և 457-րդ հոդվածի 1-ին մասով (փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը): Ա.Կ-ին պատկանող անշարժ գույքի վրա 295 մլն 902 հզր ՀՀ դրամի չափով արգելանք է դրվել: Քրեական վարույթը մեղադրական եզրակացությամբ ուղարկվել է հսկող դատախազին: |
«Լիահույս եմ, որ շուտով Ուկրաինայում խաղաղություն կտիրի»․ Նիկոլ Փաշինյան
243Երեկ, 14:48Դիլիջանի թունելը ժամանակավորապես կփակվի երթևեկության համար
24021.08.2025, 10:48Սիրիան 13 տարի անց վերաբացել է դեսպանատունը Լիբիայում
67720.08.2025, 23:54Մհեր Գրիգորյանը շնորհակալություն է հայտնել ՌԴ փոխվարչապետին
51220.08.2025, 19:20Հակակոռուպցիոն դատարանն է քննելու դատախազության հայցը՝ ընդդեմ Սամվել Մայրապետյանի
35120.08.2025, 11:30Իրանի նախագահը Հայաստանից ուղևորվեց Բելառուս
28819.08.2025, 22:42Կաշառք ստանալու մեջ մեղադրվող քոլեջի տնօրենի պաշտոնավարումը կասեցվել է
30718.08.2025, 15:24Նիկոլ Փաշինյանը հանդես կգա ուղերձով
34418.08.2025, 12:30