Կամչատկայում կես ժամվա մեջ գրանցվել է ևս 4 երկրաշարժ

761

Չորեքշաբթի, 30 հուլիսի, 2025 թ., 21:50

Կամչատկայում կես ժամվա ընթացքում գրանցվել է 5.2, 5.0, 5.4 և 6.0 մագնիտուդով 4 երկրաշարժ։ Այս մասին հաղորդվել է Ռուսաստանի գիտությունների ակադեմիայի Միասնական երկրաֆիզիկական ծառայության Կամչատկայի մասնաճյուղի Telegram ալիքում։
Սեյսմոլոգների տվյալներով՝ Պետրոպավլովսկ-Կամչատկայից 248 կմ հեռավորության վրա տեղի է ունեցել 5.2 մագնիտուդով երկրաշարժ, 204 կմ հեռավորության վրա՝ 5.0 մագնիտուդով երկրաշարժ, 297 կմ հեռավորության վրա՝ 5.4 մագնիտուդով երկրաշարժ, իսկ 402 կմ հեռավորության վրա՝ 6.0 մագնիտուդով երկրաշարժ։

Առաջին սեյսմիկ իրադարձության էպիկենտրոնը գտնվել է 38.7 կմ խորության վրա, երկրորդին՝ 13.7 կմ խորության վրա, երրորդին՝ 88 կմ խորության վրա, իսկ չորրորդին՝ 77.1 կմ խորության վրա։

Բոլոր դեպքերում դեռևս տեղեկություններ չկան ընկալելիության մասին։

Հուլիսի 30-ի առավոտյան Կամչատկայի ափերի մոտ տեղի է ունեցել հզոր երկրաշարժ։ Այն ամենաուժեղն էր 1952 թվականից ի վեր։ Իշխանությունների տվյալներով՝ դրա մագնիտուդը հասել է 8.8-ի։