ԱՄՆ-ն 7 տարվա մեջ ամենախոշոր պատժամիջոցներն է սահմանել Իրանի դեմ

ԱՄՆ-ի իշխանությունները պատժամիջոցներ են կիրառել Իրանից 50 անձանց և կազմակերպությունների, ինչպես նաև այս երկրի կողմից վերահսկվող ավելի քան 50 նավերի նկատմամբ, որոնք, ըստ Վաշինգթոնի, ներգրավված էին նավթի առևտրում: ԱՄՆ-ի ֆինանսների նախարարության տվյալներով՝ սա 2018 թվականից ի վեր ամենամեծ նմանատիպ պատժամիջոցների փաթեթն է։

«Այսօր կիրառված ավելի քան 115 պատժամիջոցները ամենամեծն են մինչ օրս Թրամփի վարչակազմի կողմից Իրանի վրա առավելագույն ճնշում գործադրելու արշավը սկսելուց ի վեր: Այս միջոցառումներն Ամերիկային դնում են առաջին տեղում՝ թիրախավորելով ռեժիմի էլիտան, որը շահույթ է ստանում, Թեհրանը սպառնում է Միացյալ Նահանգների անվտանգությանը»,- հայտարարության մեջ ասել է ֆինանսների նախարար Սքոթ Բեսենթը։

Հայտարարության մեջ նշվում է, որ պատժամիջոցների ենթարկված անձինք, ընկերությունները և նավերը մաս էին կազմում իրանական նավթով առևտրով զբաղվող համաշխարհային ցանցի: Մասնավորապես, նրանք կապված են 20 երկրների և իրավասությունների հետ։

Նշվում է, որ Իրանի գերագույն առաջնորդի խորհրդական Ալի Շամխանիի ընտանիքը զգալիորեն օգտվում է իրանական նավթի արտահանումից՝ միաժամանակ ձեռք բերելով արտասահմանում շքեղ անշարժ գույք և արտասահմանյան անձնագրեր՝ խոշոր ներդրումների դիմաց: Սա թույլ է տալիս ընտանիքին թաքցնել իր կապերը Իրանի հետ՝ միջազգային բիզնես վարելիս։