«Զգո՛ւյշ եղիր խոսքերիդ մեջ»․ Թրամփը՝ Մեդվեդևին

ԱՄՆ նախագահ Դոնալդ Թրամփը կոշտ նախազգուշացում է արել ՌԴ Անվտանգության խորհրդի նախագահի տեղակալ Դմիտրի Մեդվեդևին։ Այս մասին նա գրել է Truth Social-ում։

«Մեդվեդևին՝ Ռուսաստանի ձախողված նախկին նախագահին, ով իրեն դեռ նախագահ է համարում, ասացեք, որ զգույշ լինի իր խոսքերի հետ։ Նա մտնում է շատ վտանգավոր տարածք» - գրել է ԱՄՆ նախագահը։

Հուլիսի 28-ին Մեդվեդևը մեկնաբանել էր Ուկրաինայում հաշտության ժամկետների վերաբերյալ Թրամփի հայտարարությունը՝ նշելով, որ նա ՌԴ-ի հետ «վերջնագրերի խաղ» է խաղում։ Մեդվեդևն ԱՄՆ նախագահին խորհուրդ էր տվել չգնալ «Քնկոտ Ջոյի» ճանապարհով (նկատի ունենալով նախկին նախագահ Ջո Բայդենին)։