Սաուդյան Արաբիայում մարդկանցով լի ատրակցիոն է ջարդվել

1828

Հինգշաբթի, 31 հուլիսի, 2025 թ., 17:21

Սաուդյան Արաբիայի Թաիֆ քաղաքում մարդկանցով լի ատրակցիոնը ջարդվել է։ Միջադեպի արդյունքում 23 մարդ վիրավորվել է, որոնցից երեքը գտնվում են ծանր վիճակում։

Նշվում է, որ տուժածներն անմիջապես տեղափոխվել են հիվանդանոց՝ անհրաժեշտ բժշկական օգնություն ստանալու համար։ Նրանցից երեքի մոտ ախտորոշվել են ծանր վնասվածքներ։ Նրանք գտնվում են վերակենդանացման բաժանմունքում։ Պատահարի պատճառը դեռևս հայտնի չէ։ Ատրակցիոնը շրջանաձև շարժում է կատարել, սյունն անսպասելիորեն կոտրվել է։