«Սեպտեմբերի սկզբին ԿԽՄԿ-ն կդադարեցնի իր գործունեությունն Ադրբեջանում». առաքելության ղեկավար

ԿԽՄԿ առաքելությունն Ադրբեջանում կդադարեցնի իր գործունեությունը սեպտեմբերի սկզբին: Այս մասին, ադրբեջանական լրատվամիջոցների փոխանցմամբ, հայտարարել է ԿԽՄԿ առաքելության ղեկավար Դրագանա Կոջիչը՝ Ադրբեջանի ԱԳՆ ղեկավար Ջեյհուն Բայրամովի հետ հանդիպման ժամանակ։

Կոջիչը գոհունակություն է հայտնել տարիների ընթացքում Ադրբեջանի կառավարության կողմից ԿԽՄԿ-ին ցուցաբերված համագործակցության և աջակցության համար՝ ընդգծելով Ժնևում գտնվող գլխավոր գրասենյակի միջոցով ԿԽՄԿ-ի հետ համագործակցության շարունակականության կարևորությունը։