ԲԿ-ի փոխտնօրենն ու բաժնի վարիչը կաշառք են վերցրել զորակոչիկի բարեկամից
![]() 493 Չորեքշաբթի, 06 օգոստոսի, 2025 թ., 12:54 ՀՀ ազգային անվտանգության ծառայությունից ստացված նյութերի հիման վրա ՀՀ հակակոռուպցիոն կոմիտեում նախաձեռնված քրեական վարույթով պարզվել է, որ ՀՀ ԱՆ «Հոգեկան առողջության պահպանման ազգային կենտրոն» ՓԲ ընկերության փոխտնօրենն ու հիշյալ կենտրոնի զորակոչային բաժանմունքի վարիչը, որպես հանձնաժողովի նախագահ և անդամ ընդգրկված լինելով նույն ընկերությունում ձևավորված՝ նախազորակոչային և զորակոչային տարիքի քաղաքացիների հետազոտումն ու բուժումն իրականացնող հանձնաժողովների կազմում, խմբով կաշառք են ստացել: Մասնավորապես՝ նախաքննությամբ հիմնավորվել է, որ հիշյալ պաշտոնատար անձինք 2023 թվականի ձմեռային զորակոչի ընթացքում՝ 2023 թվականի հոկտեմբերի 27-ից 2024 թվականի հունվարի 31-ն ընկած ժամանակահատվածում հետազոտված՝ զորակոչի ենթակա քաղաքացուն զինվորական ծառայության համար ոչ պիտանի ճանաչելու վերաբերյալ ախտորոշում արձանագրելու համար, զորակոչիկի բարեկամից պահանջել և ստացել են կաշառք, որից 300-400 ԱՄՆ դոլարը զորակոչային բաժանմունքի վարիչը 2024 թվականի փետրվարի 1-ին փոխտնօրենի աշխատասենյակում փոխանցել է վերջինիս։ Վերը նշված երկու պաշտոնատար անձանց մեղադրանքներ են ներկայացվել ՀՀ քրեական օրենսգրքի 435-րդ հոդվածի 2-րդ մասի 1-ին կետով: Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան: Աղբյուրը` ՀՀ հակակոռուպցիոն կոմիտե |
Արսեն Թորոսյանին կփոխարինի Էսթեր Այվազյանը
81Երեկ, 15:54Նիկոլ Փաշինյանը Չինաստանից կմեկնի Ճապոնիա
84Երեկ, 11:36Նիկոլ Փաշինյանը Չինաստան կմեկնի Աննա Հակոբյանի հետ
80Երեկ, 10:48Նիկոլ Փաշինյանը Չինաստանում կմասնակցի ռազմական շքերթի
26325.08.2025, 19:42«Հիվանդանոցի բաժանմունքի վարիչը հափշտակել է 11 մլն դրամ»․ ՀՀ ՔԿ
25625.08.2025, 12:18«Լիահույս եմ, որ շուտով Ուկրաինայում խաղաղություն կտիրի»․ Նիկոլ Փաշինյան
54624.08.2025, 14:48Դիլիջանի թունելը ժամանակավորապես կփակվի երթևեկության համար
34021.08.2025, 10:48Սիրիան 13 տարի անց վերաբացել է դեսպանատունը Լիբիայում
100820.08.2025, 23:54