Գանայի կառավարության երկու նախարար զոհվել է ռազմական ուղղաթիռի վթարի հետևանքով

Գանայի պաշտպանության նախարար Էդվարդ Օման Բոաման և շրջակա միջավայրի, գիտության և տեխնոլոգիաների նախարար Իբրահիմ Մուրտալա Մոհամմեդը զոհվել են ռազմական ուղղաթիռի վթարի հետևանքով, հաղորդում է Pulse Ghana-ն։

Օդանավում եղել են ևս չորս ուղևոր և անձնակազմի երկու անդամ։ Նրանք նույնպես զոհվել են։

Ուղղաթիռը վթարի է ենթարկվել երկրի կենտրոնում գտնվող Աշանտի շրջանում։ Պաշտոնյաները մեկնում էին պատասխանատու հանքարդյունաբերության վերաբերյալ կառավարության ծրագրի մեկնարկի արարողությանը։ Թռիչքից կարճ ժամանակ անց ուղղաթիռն անհետացել է ռադարներից։ Արտակարգ իրավիճակների ծառայություններն ուղարկվել են ենթադրյալ վթարի վայր, որտեղ նրանք գտել են ուղղաթիռի այրվող մնացորդները։